Hasan Saliu ka kryer Gazetarinë në Fakultetin Histori-Filologji, Universiteti i Tiranës (1994-1998). Studimet master i kryen nga fusha e Komunikimit Masiv – Komunikim Politik, ndërsa doktoratën gjithashtu në shkencat e Komunikimit Masiv. Tema e disertacionit ka qenë nga fusha e teorive bindëse të komunikimit masiv, si: komunikim strategjik, propagandë, diplomaci masive, marrëdhënie publike.

Për 13 vjet ka punuar si gazetar, redaktor përgjegjës, opinionist në shtypin e Kosovës dhe atë të Shqipërisë, ndërsa për një kohë ka punuar për Institutin Gjerman të Hulumtimeve Politike He-Ma.

Nga viti 2009 është mësimdhënës në Kolegjin AAB në lëndët: Gazetari hulumtuese,Komunikime ndërkombëtare, Komunikim biznesi, Modele teorike të komunikimit masiv, Marrëdhënie publike, Metodologji e punës shkencore, ndërsa në Universitetin publik të Tiranës nga viti 2012 është bartës i lëndës Marrëdhënie publike ndërkombëtare në studimet master dhe më pas i lëndës Diplomaci publike.

Kërkimet e publikimet: Ka marrë pjesë në konferenca të shumta shkencore me prezantime e artikuj shkencorë, anëtar bordi i disa konferencave shkencore ndërkombëtare, organizator i konferencave shkencore ndërkombëtare, dhjetëra punime shkencore të botuara në revista kombëtare dhe ndërkombëtare. Ka botuar edhe studimin monografik “Komunikimi në diplomacinë publike – Sfidat e soft power-it të Kosovës në rritjen e imazhit ndërkombëtar”.

CV

Gazmend Abrashi studimet bachelor dhe master i ka përfunduar në Fakultetin e Komunikimit Masiv dhe Gazetarisë, në Kolegjin AAB. Studimet e doktoratës i ka përfunduar në Departamentin e Shkencave të Komunikimit në Universitetin e Prishtinës

Gazmend Abrashi është ligjërues në Fakultetin e Komunikimit Masiv dhe Gazetarisë, në Kolegjin AAB, Prishtinë. Aktualisht mban pozitën e prodekanit në Fakultetin e Komunikimit Masiv.

Ai është autor i disa punimeve shkencore, të botuara në revista të ndryshme.

Ligjëron lëndët:

Hyrje në komunikime

Komunikim Organizativ

Etikë mediale

Shkrim akademik

CV

CV