Qëllimi

Programi Master Shkenca Kompjuterike i dedikohet studentëve të diplomuar në shkenca kompjuterike, inxhinieri kompjuterike apo informatikë të biznesit dhe ngjashëm, të cilët do të jenë në gjendje të marrin pjesë në menaxhimin, zhvillimin dhe mirëmbajtjen e softuerëve apo sistemeve te informacionit qoftë në sektorët privatë ose publike të industrisë apo qeveri. Programi Master në Shkenca Kompjuterike synon të kombinojë një mentalitet shkencor me njohuritë teknike të specializuara, duke u mundësuar  studentëve të analizojnë, dizajnojnë, vërtetojnë, zbatojnë dhe menaxhojnë sistemet më të fundit (state-of-the-art) të TIK-ut në kontekstin e tyre operacional.

Misioni i programit Master Shkenca Kompjuterike është:

“të zhvillojë mendimtarë kritik të pavarur të cilët mund të ofrojnë lidership në industrinë e shkencave kompjuterike apo në nivelin akademik. Poashtu t’i përgatisë për zhvillim profesional dhe studiues afatgjatë të cilët do të kontribuojnë në rritjen ekonomike, avancimin e TIK në industri, në të dy sektorë publik e privat, arsim e shëndetësi, etj.”

Rezultatet e pritshme

Në nivel të përgjithshëm, në fund të programit të studimit MSc Shkenca Kompjuterike studentët do të jetë në gjendje të:

Njohurit

• fiton njohuri të thella rreth kërkimit dhe zhvillimit në fushën e shkencave kompjuterike
• pajiset me njohuri të avancuara rreth literaturës dhe metodave hulumtuese të përdorura në fushën e shkencave kompjuterike
• definon në mënyrë efektive një gamë të gjerë të metodave dhe mjeteve mësimore
• kategorizon teknikat e përdorura në hartimin dhe zhvillimin e aplikacioneve softuarike
• specifikon softverët që plotësojnë nevojat dhe aspiratat e përdoruesve
• argumenton zhvillimin e tij profesional në dobi të rritjes ekonomike dhe avancimin e TIK në industri

Shkathtësitë

• punon në mënyrë të pavarur për një problem të identifikuar për një periudhë të caktuar kohore
• analizon situata dhe formulon zgjidhje të problemit
• zhvillon një plan për zgjidhjen e sigurtë të tij
• krijon modele dhe i zbaton ato në një mjedis dixhital
• përpilon plane reale të matshme, avancuara, realizueshme duke marrë parasysh mundësitë dhe kufizimet
• mbledhë dhe analizon informacionin përkatës me theks të veçantë në kredibilitetin e informatës
• paraqet kërkimet dhe rezultatet në mënyrë të qartë në fushën e shkencës kompjuterike
• prezenton me nivel të lartë zgjidhjet e veta dhe të tjerëve brenda fushës së aplikuar
• demonstron në mënyrë të detajuar parimet e shkencave kompjuterike dhe teknikat praktike të nevojshme për hartimin dhe zhvillimin e aplikacioneve softuerike
• identifikon mënyrat e përmirësimit të performancës së një ekipi multidisciplinar brenda një mjedisi të biznesit

Kompetenca

• zhvillon kurreshtjen, kuriozitetin, njohuritë, saktësinë e tij/saj si pjesë integrale për ti dalluar njohuritë nga opinionet
• klasifikon dhe argumenton njohuritë për përzgjedhjen e literaturës shkencore, metodave dhe teorive në fushën e shkencave kompjuterike
• mbledhë të dhëna nga burime primare dhe sekondare për të vlerësuar informacionin duke interpretuar dhe analizuar të dhënat numerike me metoda të avancuara
• zhvillon dhe analizon prezentimin e informacioneve për zgjidhjen e problemeve në situata të caktuara
• reflekton njohuri kritike mbi çështjet etike, shkencore dhe filozofike në fushën e shkencës kompjuterike

Qëllimi i përgjithshëm i programit MSc është të krijoj studentë të diplomuar të cilët do të jenë në gjendje të marrin pjesë në menaxhimin, zhvillimin dhe mirëmbajtjen e softuerëve apo zgjidhjeve tjera softuerike (software solutions), apo sistemeve të informacionit. Programi pajisë studentët me aftësi për të shfrytëzuar metodat e shkencave kompjuterike, mjetet dhe aftësitë e projektimit të cilat do t’u mundësojnë atyre për të hartuar, zhvilluar dhe menaxhuar aplikacione për kompani te ndryshme në përputhje me zhvillimet moderne të TIK

.

Kohëzgjatja dhe vëllimi

.