Sport

​Pjaniç flet për finalen e Cardiff-it

Mesfushori i Juventusit, Miralem Pjaniç ka folur për finalen e madh te Ligës së Kampionëve.

Juve dhe Real Madrid këtë fundjave do të përplasen në finalen e madh te Cardiffit. Pjaniç është i vetëdijshëm se përballja me ‘mbretërit’ do të jetë një ndeshje e madhe, por ai beson se Juve mund të realizojë ëndrrën, trofeun e garës më të madhe në Evropë, raporton KosovaPress.

“Në Ligën e Kampionëve janë ekipet dhe lojtarët më të mirë, kështu që është një turne shumë i vështirë. Këtë vit ne kemi mundësinë për të luajtur në finale, ne do të shohim se si do shkon”, tha Pjaniç.

“Nëse luajmë mirë, gjithçka është e mundur. Ne kemi një ekip të fortë dhe ëndrra ime është për të fituar kupën. Kjo do të ishte e paimagjinueshme”, theksoi ai. /KosovaPress/