Aktuale

Deçani me mbledhje të jashtëzakonshme për lirimin e Haradinajt

Asambleja Komunale në Deçan mban sot mbledhje të jashtëzakonshme me kërkesë për lirimin e menjëhershëm të ish- kryeministrit të Kosovës, liderit të AAK-së, Ramush Haradinaj.

Kështu është bërë e ditur në një njoftim për media të Komunës së Deçanit.

“Të nderuar përfaqësues të mediave të shkruara dhe elektronike, ju njoftojmë se, të hënën  më  09 Janar 2017 ,në ora 13:00 në Deçan, Asambleja Komunale mban mbledhje të jashtëzakonshme për të kërkuar lirimin e menjëhershëm të ish- kryeministrit Ramush Haradinaj”, thuhet në njoftim.

Kujtojmë se kreu i AAK-së Ramush Haradinaj, u arrestua të mërkurën e kaluar nga policia franceze me një urdhër-arrest të Serbisë.

Arrestimi i tij ka zgjuar reagime të shumta të zyrtarëve  shqiptarë./KosovaPress/