Aktuale

E vodhi veturën në Prishtinë, kapet brenda ditës hajni

Njësitet policore të Kosovës kanë arritur që brenda ditës të kapin një person që vodhi një veturë në Prishtinë.

Vetura thuhet se është vjedhur dje rreth orës 15:00 në një parking dhe rastin e ka paraqitur në polici pronari i automjetit.

“Ankuesi K/Shqiptar ka njoftuar policinë se nga parkingu i është vjedhur vetura e tij. Pas hetimeve të zhvilluara njësitet policore kanë arritur ta lokalizojë veturën dhe në momentin që aty ka ardhur i dyshuari, i njëjti është arrestuar”, ka njoftuar zyra për informim e policisë.

Bëhet e ditur se tek i dyshuari për vjedhjen e veturës, janë gjetur një armë imituese (shkrepëse), tetë thika dhe një kapelë që së bashku me veturën janë konfiskuar.

Policia ka treguar se pas kryerjes së ekzaminimit vetura i është kthyer pronarit, ndërsa i dyshuari i është dorëzuar njësisë nga Stacioni Policor në Shtime si i dyshuar për kryerjen e disa veprave tjera./FaktePlus