Eurozonë, shënon ngritje prodhimi në ndërtim

Prodhimi në ndërtim në eurozonë u rrit me 6,9% në muajin shkurt, krahasuar me muajin janar kur prodhimi në ndërtim ra me 1,5%, njoftoi të enjten Zyra e statistikave të Komisionit Evropian, Eurostat.

Sipas këtij raporti prodhimi në sektorin e ndërtimit ka një rritje me 7,1% në zonën euro (EA19) dhe me 5,2% në Bashkimin Evropian (EU28).

Veprat publike janë ato të cilat kanë kontribuar më shumë në këtë rritje, sidomos në zonën e 19 shteteve që përdorin monedhën evropiane me një rritje 10,1%, dhe 5,5% në BE.