ShowBiz

Gentiana Beqa-Ahmeti, shqiptarja e vetme pjesëmarrëse në ‘Arnold Classic Europe 2017’ (Foto)

Kampionia e Evropës në disiplinën ‘Physique Fitness’ në vitin 2016, Gentiana Beqa-Ahmeti është femra e vetme shqiptare që merr pjesë në garën e fitnesit ‘Arnold Classic Europe 2017’, që do të mbahet në Barcelonë.

Ky është edicioni i shtatë i ‘Arnold Classic Europe’, që konsiderohet si një nga garat më të mëdha të fitnesit dhe bodybuilding-ut në Evropë, me më shumë se 70 shtete pjesëmarrëse, dhe me më shumë se 1000 pjesëmarrës, shkruan KosovaPress.

Kjo garë do të mbahet nga data 22 deri më 24 shtator, në Barcelonë dhe organizohet nga Federata Ndërkombëtare e Bodybuilding-ut dhe Fitnesit (IFBB). /KosovaPress/