Sport

Guardiola “në ankth” për situatën e Gundogan

Ilkay Gundogani është shqetësimi më i ri i trajnerit Pep Guardiola.
E gjithë çështja sillet rreth kontratës së reprezentuesit gjerman, e cila skadon pas 18 muajve.

Trajneri spanjoll shpreson se Gundogan do ta vazhdojë kontratën e tij me Manchester City, dhe ka thënë se lojtari “e di çfarë do” kur është puna tek vazhdimi i kontratës.

“Gundogan është paraqitur në dy ndeshjet e fundit si mesfushor defenziv dhe pati më shumë hapësira se zakonisht, por ishte shumë i zgjuar. Ai bëri një asistim të jashtëzakonshëm dhe shumë pasime para përfundimit të aksionit” ka thënë Guardiola, transmeton lajmi.net.

“Kualitetet e tij janë të jashtëzakonshme. Ne e dimë këtë. Për fat të keq në sezonin e parë pati një lëndim të gjatë, por kur është i gatshëm, ai është lojtar i jashtëzakonshëm.”

“Ai e di se çfarë dëshiron, por është në dorën tonë” ka thënë ndër të tjerash Guardiola.

Nëse Gundogan arrin që të përshtatet mirë në pozitën e mesfushorit defenziv, ai do të ishte zëvendësuesi perfekt për Fernandinhon. /Lajmi.net/