Aktuale

Hoxhaj: Dënimi i Karaxhiqit moment i rëndësishëm për viktimat e krimeve të orkestruara nga Beogradi

Zëvendëskryeministri i Kosovës, Enver Hoxhaj, ka reaguar pas dënimit me burgim të përjetshëm të kriminelit serb, Radovan Karaxhiq.

Hoxhaj përmes një postimi në Twitter ka thënë se dënimi me burgim të përjetshëm për krimet ndaj civilëve, i kriminelit serb Karaxhiq, i cili pati rol kyç në gjenocidin e kryer në Bosnjë e Hercegovinë, është moment i rëndësishëm për të gjitha viktimat që kanë vuajtur sistematikisht nga veprimet kriminale të orkestruara në Beograd.

“Radovan Karaxhiq pati rol kyç në gjenocidin që bëri Serbia ndaj viktimave në Bosnjë e Hercegovinë, për çka sot mori dënimin me burg të përjetshëm. Ky është moment shumë i rëndësishëm për të gjitha viktimat që sistematikisht kanë vuajtur nga krimet e orkestruara në Beograd”, ka shkruar Hoxhaj. /Lajmi.net/

the authorBurbuqe Metolli