Aktuale

“Jam krenare për Kosovën, edhe pse na ndan oqeani ju kam në mendje”

Ish-sekretarja e shtetit amerikan, Madeline Albright ka uruar përmes një videoje qytetarët e Kosovës me rastin e 10 vjetorit të pavarësisë, shkruan Gazeta Metro.

Ajo ka veçuar shtetësinë e Kosovës si një nga arritjet kryesore që e bëjnë atë të krenohet gjatë kohës sa ushtronte postin.

“Ndonëse na ndanë oqeani, Kosovën dhe popullin e saj e kam gjithnjë në mendje. Saherë më pyesin se cila është e arritura ime si Sekretare e Shtetit me të cilën krenohem më së shumti, them se është ndihma që i dhash popullit të Kosovës. Gjatë këtyre 10 viteve kam qenë krenare për hapat që i ka ndërmarrë Kosova drejt stabilitetit më të madh, përparimit dhe integrimit në bashkësinë Euro-Atlantike. Por, për shkak të dashurisë sime të veçantë për Kosovën, kam dëshirë të flaktë t’ju shoh se po përparoni dhe po zhvilloheni në mënyrë të duhur. Përvoja më ka mësuar se zhvillimi politik dhe ai ekonomik janë të pandashëm. Pra, mënyra më e mirë drejt zhvillimit është përtrirja e përkushtimit ndaj demokracisë, duke mbajtur në mend se sundimi i shumicës varet nga të drejtat e pakicës. Përparimi dhe ndryshimi asnjëherë nuk janë të lehta dhe nuk ka mostër apo rrugë të përkryer drejt suksesit. Mirëpo, duke e pasur parasysh vullnetin dhe qëndrueshmërinë e popullit të Kosovës, besoj në të ardhmen dhe ju premtoj se do të bëj çmos për t’ju ndihmuar t’ia dilni mbanë. Gëzuar 10 vjetorin! Do të jemi pranë jush. Punoni me zell!” #Kosova10