Aktuale

Kongresisti amerikan i çon porosi BE’së: Liberalizoni vizat për kosovarët

Kongresisti amerikan, Eliot L. Engel ka përshëndetur ratifikimin e marrëveshjes për demarkacionin e kufirit, ndërsa ka vlerësuar se Kosova meriton të njëjtin trajtim të drejtë si vendet e tjera që tani kanë liberalizimin e vizave dhe duhet t’i jepet ky status pa vonesa të panevojshme.

“Unë i dërgoj urimet e mia popullit të Kosovës për miratimin nga Parlamenti të Marrëveshjes për kufirin me Malin e Zi. Kjo është një ditë e rëndësishme në marrëdhëniet e Kosovës me fqinjin e saj, Malin e Zi”, ka thënë Engel.

Ai u ka bërë thirrje Bashkimit Evropian, që pa vonesa t’i jepet ky status i liberalizimit të vizave.

Ky është gjithashtu një hap gjigant drejt liberalizimit të vizave me Bashkimin Evropian. I bëj thirrje miqve tanë në BE që të bëjnë atë që duhet, për të arritur këtë qëllim. Kosova meriton të njëjtin trajtim të drejtë si vendet e tjera që tani kanë liberalizimin e vizave dhe duhet t’i jepet ky status pa vonesa të panevojshme”, thuhet në letrën e mikut të shqiptarëve Eliot L. Engel.