Aktuale

Kryediplomati grek në Prishtinë – a po e ndryshon Greqia qëndrimin ndaj Kosovës?

Ministri i Jashtëm i Greqisë, Nikos Kotzias nis sot pasdite një tur ballkanik ku do të vizitojë Serbinë, Kosovën dhe Maqedoninë.
Me gjithë raportimin e gazetës “Protothema” se në këtë tur përfshihet dhe Shqipëria, Ministria shqiptare e Jashtme konfirmoi që Kotzias nuk do të vizitojë Tiranën, bën të ditur abcneës.al.

Fillimisht shefi i diplomacisë greke do të udhëtojë për në Beograd, ku vizita e tij ka në thelb forcimin e marrëdhënieve dypalëshe. Më pas ai viziton Prishtinën.

“Megjithëse Greqia nuk e ka njohur Kosovën, vizita e Nikos Kotzias ka një mesazh pozitiv edhe në këtë nivel. Është njëkohësisht një lëvizje e vullnetit të mirë ndaj Tiranës”, shkruan “Protothema”.

Ndërkohë, fokusi më i madh do të jetë për vizitën e tij në Shkup.

Sipas aportimeve, Kotzias bashkë me homologun e tij Dimitrov do të përmbyllin marrëveshjen për zgjidhjen e çështjes së emrit, e cila më pas do të firmoset nga kryeministrat përkatës.

the authorE B