Sport

Ky është 16-vjeçari që do ta zëvendësojë sot Messin

Ernesto Valverde e ka ftuar 16-vjeçarin Ansu Fati në skuadrën e Barcelonës që do të përballet me Real Betis të dielën.

Fati, i cili luan si sulmues për skuadrën e Juvenil A të Victor Valdes, vetëm javën e kaluar ka stërvitur me ekipin e parë.

Lëndimet e Lionel Messit, Luis Suarez dhe Ousmane Dembele kanë hapur mundësinë në skuadrën e Valverde për talentët Fati dhe Abel Ruiz për të provuar veten e tyre.

Fati lindi në Guinea-Bissau më 31 tetor 2002.

Sipas Mundo Deportivo, Fati mbërriti në Sevilla tre vjet më parë dhe u transferua në La Masia në vitet e tij të adoleshencës.

Nëse ai luan kundër Betis të dielën, Fati (16 vjeç dhe 298 ditë i vjetër) do të bëhet lojtari i dytë më i ri në historinë e Barcelonës që paraqitet në një ndeshje zyrtare.

Vicente Martinez ishte 16 vjeç dhe 278 ditë kur luajti gjatë sezonit 1941/42.

Messi është i pesti në listë, duke bërë debutimin e tij zyrtar me Barçën në moshën 17 vjeç dhe 114 ditë.

Fati kohët e fundit rinovoi kontratën e tij në klubin katalunas deri në qershor 2022.