Tech

Lotus prezantoi veturën Exige Cup 380

Kompania Lotus ka plotësuar në mënyrë optimale zbrazëtirën ndërmjet modeleve Exige Sport 380 dhe Exige Race 380.

Në kompani edhe një herë kanë gjetur mënyrën që veturën e tyre ta bëjnë edhe më të shpejtë dhe zbrazëtira ndërmjet modelit standard Exige Sport 380 dhe modelit Exige Race 380, i cili mund të përdoret vetëm në gara të vozitjes, të plotësohet me modelin Exige Cup 380, transmeton KosovaPress.

Exige Cup ka motor me 3,5 litra V6, 380 kuaj fuqi dhe 410 Nm të rrotullimeve momentale. Bartja e fuqisë në boshtin e pasmë kryhet përmes ndërruesit me gjashtë shpejtësi.

Vetura, e cila mund të përdoret në gara sportive, por edhe në rrugë, prej 0 deri 100 km në orë i arrin pas 3,4 sekondash, 0,1 sekonda më shpejt se sa versioni Sport, por edhe 0,2 sekonda më ngadalë se sa versioni më i lehtë Race. Masa e automobilit është 1.057 kilogramë, ose 53 kg më pak se sa versioni Sport 380.

Exige Cup 380 kushton hiq më pak se 109.900 euro dhe Lotus do të prodhojë vetëm 60 vetura të tilla.