Aktuale

MD: Urdhërarrestet e Serbisë, të paligjshme – presim lirimin e menjëhershëm të Haradinajt

Ministria e Drejtësisë e Kosovës ka lëshuar një komunikatë, për të njoftuar opinionin e gjerё se gjate orëve të pasdites është njoftuar nga Policia e Kosovës për ndalimin e Ramush Haradinajt nga autoritetet franceze.

“Pas marrjes së informacionit, Ministria e Drejtësisë është koordinuar me Ministrinë e Punëve të Jashtme, Policinë e Kosovës dhe Ambasadorin e Republikës së Kosovës në Francë dhe përmes Ministrisë së Jashtme ka dërguar shkresën në Ministrinë e Drejtësisë së Francës me kërkesën për lirimin e menjëhershëm të z. Haradinaj”, thuhet në komunikatën e MD’së.

“Ministria e Drejtësisë konsideron se të gjitha urdhër arrestet ndërkombëtare të lëshuara nga Serbia për shtetasit e Republikës së Kosovës për veprat penale kinse të kryera në Republikën e Kosovës, janë të paligjshme dhe të papranueshme për Republikën e Kosovës, andaj presim lirimin e menjëhershëm të z. Ramush Haradinaj”, ka thënë MD.