Aktuale

Opozita po manipulon me demarkacionin, thotë Ferati

Deputeti i Lidhjes Demokratike të Kosovës, Sadri Ferati, ka përsëritur qëndrimin se Kosova nuk po humb territor në marrëveshjen për demarkacion me Malin e zi, derisa ka shtuar se opozita po manipulon me argumente të zbrazëta rreth demarkacionit.

“Unë nuk pajtohem që Kosova po humb territor. Unë i besoj një eksperti e ti një tjetri. Po provoni të manipuloni me një argument që nuk qëndron. Nuk mundeni me manipulu me njerëz vetëm se një njeri ka para në llogari dhe të thoni tash u zbulua“, ka thënë Ferati në Rubikon të KTV’së, duke iu drejtuar përfaqësuesve të opozitës.

Ai shtoi se Kosova nuk mund të mbetet peng i varianteve politike si të pozitës ashtu edhe të opozitës.