Aktuale

Pamje të reja kur arrestohet personi që gjuante me armë në lagjen Mati 1

Një përleshje me armë zjarri ka ndodhur në pasditen e së enjtes, në kryeqendrën e Kosovës.

Në Lagjen e Spitalit, në Prishtinë, katër persona janë plagosur, e më pas dy prej tyre kanë ndërruar jetë në Qendrën Klinike Universitare të Kosovës.

Para se të mbërrinte policia dhe autoambulancat në trotuaret e një ndërtese në lagjen e Spitalit kanë qëndruar të shtrirë persona të përgjakur nga goditjet me armë zjarri.

Ndërkohë që është filmuar edhe dorasi duke e qëlluar njërin nga viktimat. Motivet e tragjedisë thuhet se kanë të bëjnë me çështje pronësore.

Një person, që është parë në pamjet amatore duke gjuajtur me armë zjarri, është arrestuar.

Arrestimin e tij e ka bërë një polic, i cili ishte jashtë detyrës në momentin kur kishte ndodhur krimi.

Në pamje shihet personi i plagosur, dhe dy armë afër tij.

the authorBurbuqe Metolli