Rajon & Botë

Presidenti i ri meksikan dëshiron të prishë marrëveshjen 1.3 miliardësh me SHBA-të

Presidenti i sapozgjedhur i Meksikës, një anti-establishment është duke planifikuar të prishë disa nga marrëveshjet e arritura nga paraardhësi i tij.

Në mesin e këtyre marrëveshjeve është dhe ajo 1.36 miliard dollarëshe me SHBA-të për tetë helikopterë MH-60R për marinën e vendit, transmeton portali arbresh.info.

Andres Manuel Lopez Obrador, i njohur gjerësisht si AMLO, u zgjodh president i ardhshëm i Meksikës për premtimet për të ndjekur interesat kombëtare dhe për të zvogëluar mbështetjen e vendit në SHBA.

Ai është zotuar të shkurtojë shpenzimet qeveritare sa më shpejt që të vihet në krye të zyrës në dhjetor. Në mes të një numri masash të shpallura, kreu i anti-establishmetit premtoi të prishë disa nga marrëveshjet që Presidenti Enrique Peña Nieto kishte bërë me SHBA gjatë mandatit të tij.

Ndër objektivat e tij janë helikopterët e Lockheed Martin MH-60R, të cilët Departamenti Amerikan i Shtetit dha dritën jeshile për t’i shitur në prill.

“Ne e dimë për urdhrin për të blerë tetë helikopterë për marinën meksikane, të bëra në qeverinë e Shteteve të Bashkuara, për një vlerë totale prej 25 miliardë pesos, kjo blerje do të anulohet, sepse ne nuk mund ta [përballojmë] këtë shpenzim “, tha Lopez Obrador të mërkurën.

Uashingtoni aprovoi shitjen e helikopterëve në marinën meksikane së bashku me radarët multi-mode, pajisjet e shikimit natën dhe sensorë të tjerë për të ndihmuar fqinjët e saj për të luftuar krimin e organizuar dhe trafikimin e drogës.

Marrëveshja, me vlerë 1.36 miliardë dollarë, përfshinte gjithashtu një paketë armatimesh, të tilla si raketat Hellfire, silurët hibridë të lehtë dhe mitralozë.

Lopez Obrador, një kritik i zëshëm i Donald Trump, mori rreth 53 për qind të votave për të fituar garën presidenciale më parë këtë muaj.

Duke respektuar premtimet e fushatës së tij, të mërkurën ai premtoi të ulë pagat e zyrtarëve qeveritarë, si dhe t’i japë fund praktikës së pensioneve të përjetshme për ish-presidentët. “Është koha që qeveria të shtrëngojë rripat e saj,” theksoi ai./Arbresh.info/