Aktuale

Putin i siguron serbët: Më 2022 do ta sundoni Ballkanin

Moska ka përgatitur një përgjigje të ashpër ndaj presioneve të reja të Perëndimit, në të cilën qëllimi përfundimtar është se në vitin 2022 serbët do të jetojnë në një shtet siç ata e dëshirojnë.

Amerika, Britania e Madhe dhe burokratët e Brukselit kanë grumbulluar një paketë të re ku kanë bllokuar disa kapituj në të cilën flitet për ekspansonizmin serb në Ballkan, por Vladimir Putin i ka treguar Aleksandër Vuçiqit dhe Milorad Dodikut se të gjithë serbët do të bashkohen në Ballkan, zbulon burimi i telegrafit serb nga qaraqet diplomatike.

Presidenti rus është i bindur se zgjidhja më e mirë është t’u japë serbëve në Republikën Serbe të drejtën për vetëvendosje, pasi Amerika lejoi shqiptarët në Kosovë.

Përveç kësaj, pikëpamja e Rusisë është se serbët në veri të Kosovës duhet të lejohen të bashkohen me Serbinë qendrore, e cila do të krijojë unifikimin e serbëve kurse enklavat dhe manastiret serbe do të kishin një status të veçantë.

Në këtë mënyrë, serbët nga veriu i Kosovës do të mbroheshin nga sulmet e mundshme të shqiptarëve të cilët janë në rrugën drejt realizimit të “Shqipërisë së Madhe”.

Gjithashtu, do të arrihet paqja në këtë pjesë të Ballkanit, e cila do të parandalonte shantazhin dhe presionin e vazhdueshëm të vendeve perëndimore për të cilat kriza, trazirat dhe paqëndrueshmëria janë adekuate për të përmbushur interesat e tyre, raporton “Vestinet”, transmeton Periskopi.

“Mos u mashtroni nga kërcënimet e Perëndimit, ne kemi hyrë në një ofensivë diplomatike që deri në vitin 2022 serbët do të jetojnë në një shtet,” ishte mesazhi i një takimi të mbajtur nga shefi i Kremlinit në rrethin e bashkëpunëtorëve më të afërt.

E gjithë kjo u transferua tek Vuçiqi dhe Dodiku në takime të ndara.

Kjo është një përgjigje e drejtpërdrejtë ndaj presionit në rritje ndaj Beogradit dhe Banja Lukës për të hequr dorë nga lidhjet politike, ushtarake dhe tregtare me Rusinë, duke imponuar sanksione, si dhe zyrtari i lartë i Rusisë së Bashkuar Sergei Zeleznjak.

“Në kundërshtim me qëndrimin dhe funksionimin e këtyre forcave, Serbia hap pas hapi forcon sovranitetin e shtetit dhe sistemin shtetëror dhe politik. Për Rusinë, Serbia është një partner strategjik. Udhëheqësit e vendeve tona janë takuar deri tani dhjetë herë, siç është konfirmuar nga niveli i lartë i bashkëpunimit ndërshtetëror ruso-serb, i cili konfirmon marrëdhëniet vëllazërore mes kombeve tona,” thotë Zeleznjak.

Analisti rus Vladimir Zotov thotë se paketa e re e pagesave perëndimore ndaj Serbisë është pritur. “Presioni i Perëndimit ndaj Serbisë për të rrethuar marrëdhëniet me Rusinë, për të mos lejuar statusin organizatës humanitare në Nish, si dhe për të shantazhuar hapjen e kapitujve të rinj, do të vazhdojë në mënyrë të pashmangshme, por vetëm duhet t’i motivojë serbët që të organizohen ndryshe. Rusia do të mbështesë unifikimin e serbëve në Ballkan në një shtet të vetëm nëse qeveria në Beograd e dëshiron atë,” theksoi Zotov./Periskopi/