Aktuale

Sefaj merr përkrahjen e Qeverisë gjermane

Ministri i Punëve të Brendshme, Flamur Sefaj, priti në takim ambasadorin e Gjermanisë në Kosovë, Christian Heldt.

Në këtë takim ambasadori gjerman i premtoi ministrit Sefaj se shteti gjerman do të vazhdojë të jetë përkrahës në proceset nëpër të cilat po kalon Kosova.

Gjatë këtij takimi në veçanti u diskutua për procesin e liberalizimit të vizave. Ministri Sefaj e falënderoi ambasadorin gjerman për përkrahjen dhe mbështetjen diplomatike të qeverisë gjermane për Kosovën.

Me këtë rast, të dy bashkëbiseduesit u dakorduan që bashkëpunimi mes të këtyre dy shteteve do të vazhdojë edhe në të ardhmen.