Aktuale

Sot nis sërish procesi gjyqësor kundër Oliver Ivanoviqit Mitrovicë

Procesi i përsëritur gjyqësor kundër liderit të Iniciativës Qytetare ‘SDP’ Oliver Ivanoviq, do të fillojë sot në Gjykatën Themelore të Mitrovicës në veri të këtij qyteti, pas vendimit të Gjykatës së Apelit e cila anuloi aktvendimin e shkallës së parë sipas të cilit Ivanoviq u dënua me 9 vjet burgim për krime lufte.

Ky proces është paraparë deri në fund të qershorit, ku pritet të mbahen gjithsej 12 seanca gjyqësore, pas së cilave do të pasojë pushimi veror.

Ivanoviq, i cili aktualisht ndodhet në arrest shtëpiak, ishte arestuar më 27 janar 2014, ndërsa janë dëgjuar më shumë se 80 dëshmitarë gjatë procesit gjyqësor të shkallës së parë që ka zgjatur më shumë se një vit. /A. Damati/