Aktuale

Sulm ndaj personit zyrtar, 2 të arrestuar në Skenderaj

Në orët e pasdites së djeshme Policia në Skenderaj ka arrestuar dy persona të dyshuar, për veprën penale ‘sulm ndaj personit zyrtar gjatë kryerjes së detyrës zyrtare’.

Ngjarja është raportuar të ketë ndodhur rreth orës 16:00 në njërin nga fshatrat e zonës së Skenderajt, në kohën kur zyrtarët policorë i ishin përgjigjur një thirrje emergjente në një rast dhunë familje, ku dy të dyshuarit përveç pengimit dhe mospërfilljes së urdhrave të zyrtarëve policorë, kanë sulmuar fizikisht dy zyrtarët policorë.

Dy personat e dyshuar janë arrestuar. Pas procedurave intervistuese, me vendim të prokurorit publik, ata janë liruar për procedurë të rregullt.

Ndaj tyre është iniciuar vepër penale ‘sulm ndaj personit zyrtar në kryerje të detyrës zyrtare’.