Aktuale

Vërshime në Shtime, bllokohet oborri i Komunës

Të reshurat e shumta të shiut kanë bërë që oborri në Komunën e Shtimes të bllokohet nga uji.
Skënder Dauti, zyrtar nga Drejtoria për Mbrojtje dhe Shpëtim, ka thënë për Klan Kosovën se ka pasë dëme të mëdha pas reshjeve edhe në qendër të qytetit.

“Për momentin niveli i ujit ka filluar të bie, ka dëme të mëdha edhe në biznese dhe po bëjmë të pamundurën t’u ndihmojmë edhe banorëve”.

“Së bashku me ne janë edhe policia dhe zjarrfikësit, por dëme të mëdha ka edhe në komuna tjera pasi sasia e ujit është e papërballueshme”, ka thënë Dauti.