Aktuale

Vetëvendosje thirrje LDK-së: Kemi vetëm dy javë kohë

Lëvizja Vetëvendosje i ka bërë thirrje Lidhjes Demokratike që të merren vesh sa më shpejtë për koalicion.

Lëvizja Vetëvendosje, përkatësisht anëtari i Kryesisë së saj, Abër Zaimi, i ka bërë thirrje Lidhjes Demokratike të Kosovës që sa më parë të dakordohen për marrëveshjen për bashkëqeverisje.

Përmes një postimi në profilin e tij zyrtar në rrjetin social facebook, Zimi ka shkruar se në Vetëvendosje nuk duan krizë institucionale dhe as vonim të buxhetit, që nënkupton se shumë familje do të mbeteshin pa të ardhura, përcjell lajmi.net.

Mirëpo, ai shton se Vetëvendosje nuk mund të presë pafundësisht.

Zaimi thotë se gjatë dy javëve LV do të vazhdojë të kërkojë koalicion me partinë e Isa Mustafës, në mënyrë që të pengohet plani i presidentit Hashim Thaçi për të penguar qeverinë LV – LDK.

“Por, që plani i Thaçit të mos mbijetojë, duhet edhe vendosmëria e LDK-së për koalicion me Lëvizjen. Vetëm dy javë kohë ka”, ka thënë ai.

Postimi i plotë i Zaimit pa ndërhyrje:

Lëvizja nuk dëshiron krizë institucionale dhe as vonim të buxhetit, që nënkupton se shumë familje do të mbeteshin pa të ardhura. Lëvizja nuk mund të presë pafundësisht.

Gjatë dy javëve në vijim Lëvizja do të vazhdojë të kërkojë koalicion me LDK-në, që plani i Thaçit për ta penguar qeverinë LV-LDK, të bjerë në ujë.

Por, që plani i Thaçit të mos mbijetojë, duhet edhe vendosmëria e LDK-së për koalicion me Lëvizjen. Vetëm dy javë kohë ka. /Lajmi.net/

the authorGazetaKNN