Aktuale

Vuçiq me propagandë të egër për Kosovën: Kaçaniku i mbushur me pjesëtarë të ISIS’it

Presidenti i Serbisë, Aleksandër Vuçiq në një intervistë për TV Pink ka folur edhe për komunën e Kaçanikut të cilës iu ka referuar si fshat i mrekullueshëm serb, por i mbushur me pjesëtarë të ISIS’it.

“Me faktin që flitet se e gjitha është jona ose e tyre, nuk do të arrijmë kurrfarë marrëveshjeje. Mund të themi se Kaçaniku është fshat i mrekullueshëm serb, por atje, për kokë banori, jetojnë më shumë pjesëtarë të ISIS-it apo të Al Kaidës se sa kudo tjetër në botë”, ka thënë presidenti serb.

Vuçiq ka vazhduar edhe me pyetje se sa janë të gatshëm që t’i dërgojnë fëmijët që të luftojnë me ta.

Ai ka shtuar se as Gjermania nuk mund ta kërkojë Kaliningradi, që ka qenë Keninzberg gjerman, e po ashtu as Strasbourgun, sinonim i Goethes, që tash është në Francë./Express/

the authorBurbuqe Metolli