Aktuale

​Dude Balje: AKI ka në kontroll situatën rreth ekstremizmit islamik

Kosova nuk është e rrezikuar nga organizatat dhe personat të islamit ekstrem. Inspektori i Përgjithshëm i Agjencisë së Kosovës për Inteligjencë, Shkelzen Sopjani, i ka siguruar deputetët e komisionit për Mbikëqyrjen e këtij Agjencioni se tani në muajin e shenjët të ramazanit, gjithçka është në kontroll dhe se vendi nuk është i rrezikuar.

Këtë e ka bërë të ditur Duda Baje, anëtare e komisionit për Mbikëqyrjen e AKI-së. Balje nuk ka treguar se sa është vlera e shpenzimeve për gjashtë mujorin e parë të këtij institucioni.

“Në të ndryshme sepse është muaji i ramazanit a kanë në kontroll krejt këto islamistët ekstrem, është mirë deri tash nuk kemi pasur asnjë problem. Agjencioni është gati, ka njerëz edhe krejt është në rregull. ”tha Balje.

Ajo nuk ka treguar shifrat e shpenzimeve të AKI-së për gjashtë mujorin e këtij viti, pasi sipas saj, raportimi i sotëm nuk ka pasur shifra të shënuara por vetëm ka qenë një raportim në vija të përgjithshme.

“Ne si depu tet të Komisionit për AKI nuk kemi të drejtë me marrë në letër krejt raportin financiar. Kemi marrë informata prej sekretarit të përgjithshëm qysh kemi marrë. Vetëm shumë shkurt ka qenë sepse kemi aq kemi drejtë, nuk kemi hy në shpenzime, në shifra, kemi biseduar vetëm në nivelin të përgjithshëm qysh kanë shpenzuar. Qysh kemi kuptuar prej sekretarit të përgjithshëm deri tash Auditori i Përgjithshëm nuk ka gjetur diçka keq, krejt është në rregull brenda financave. Ky Agjencion ka nisur me përgatit buxhetin për 2017, nuk ka pasur kërkesa për rishikim të buxhetit”, tha Balje.

Pas këtij raportimi, anëtarët tjerë të komisionit nuk u deklaruan për media./KP