Aktuale

​Një OJQ e Mitrovicës proteston para Qeverisë me fotografi

Iniciativa Qytetare për Veprim ka protestuar nëpërmes fotografive sot para Qeverisë së Kosovës.

Bujar Voca nga kjo iniciativë tha se Serbia në veri të Kosovës i ka dëbuar shqiptarët nga shtëpitë e tyre duke i shkatërruar ato dhe duke filluar ndërtimin e lagjes së re që do t’iu përkas serbëve.

“Përveç kësaj Serbia nuk po ndalet me kolonizimin, siç po e shihni mbrapa por edhe keni parë gjatë ditëve të kaluara në media , Serbia ka filluar ndërtimin ne lagjen “Lugina e Diellit” në mes të Mitrovicës dhe Zveçanit në të cilën lagjen parasheh vendosjen e rreth 300 familjeve serbe apo 1500 banorëve. Përveç kësaj Marko Gjuriq, drejtori i zyrës së Kosovës në Qeverinë e Serbisë ka thënë që ky është hapi i parë sepse Qeveria e Serbisë ka për qëllim që në veri të Kosovës dhe në Mitrovicë të ndërtoj rreth 10 lagje të reja për vendosjen e 15 mijà « serbëve atje apo qytetarëve serbë të zhvendosur në Serbi refugjatëve nga Bosnja dhe Kroacia” , tha Voca

Voca citon kryeministrin Isa Mustafa se nuk do të lejojë ndërtimin e lagjes ” “Lugina e Diellit”, por sipas tij, ndërtimi i lagjes ka filluar tash e disa ditë dhe Qeveria nuk ka ndërmarr as një hap.

Voca e ka cilësuar kryeministrin Mustafa si personi më i korruptuar në Prishtinë, i cili sipas tij e ka vendin para organeve të drejtësisë.

Në veri nuk ka rend dhe ligj për të gjithë qytetarët përveç që mungon liria e lëvizjes Serbia ka për qëllim edhe me nda Kosovën. Kosova po i humb 8 kilometra në kufirin me Malin e Zi. Sot në Serbi na kanë marr rreth 2 mijë kilometra në katror apo rreth 20 përqnd të territorit të Kosovës dhe Qeveria e Kosovës është dorëz uar përballë Serbisë në veri sepse ne mendojmë që një person si Isa Mustafa i cili sot është në krye të Qeveris i cili dikur ka qenë Ministër i Serbisë në Kosovë i cili dikur ka qenë personi që ka keqpërdor fondin e 3 përqind”, tha Voca.

Ai tha se Iniciativa nuki do të ndalet me kaq sepse do të organizojë edhe protesta tjera./KP