Aktuale

16 ditët kundër dhunës ndaj gruas

Sot në Prishtinë me një varg aktivitetesh shënohet 25 Nëntorit-Dita Ndërkombëtare për eliminimin e dhunës ndaj gruas- 16 ditët e aktivizmit.

Zyra e kryeministrit lanson raportin final për zbatimin e Planit të Veprimit për Rezolutën e Kombeve të Bashkuara 1325.

Kurse, organizuar nga Grupi i Grave Asambleiste, Zyra për Barazi Gjinore dhe përkrahur nga kabineti i kryetarit të Komunës, Shpend Ahmeti, fillon aktiviteti “16 Ditët e aktivizimit kundër dhunës ndaj gruas”.

Në kuadër të këtij aktiviteti, nesër në ndërtesën e vjetër të Komunës së Prishtinës do të mbahet debat me temën “Dhuna, pasojat e saj dhe njohuritë ligjore”.

Sipas një njoftimi të Komunës së Prishtinës, në debat do të marrin pjesë përfaqësues të Policisë së Kosovës, Prokurorisë së Shtetit, Qendrës për Ndihmë Sociale, OJQ-së Women for Women etj./KosovaPress/