Aktuale

80 mjekë e infermierë në Gjilan sot iu nënshtruan testit për coronavirus

80 punonjës shëndetësor në spitalin Rajonal të Gjilanit sot janë testuar për Covid-19.

Nënkryetari i komunës së Gjilanit, Arbër Ismajli, për IndeksOnline ka thënë ky testim ka ardhur si kërkesë e personelit shëndetësor pas kontakteve të vazhdueshme me pacientë.

“Po janë marrë një numër i konsiderueshëm i mostrave në spitalin e Gjilanit, 80 punonjës shëndetësor. Nuk dyshohet se janë të infektuar me koronavirus por vetëm që të shihet gjendja e tyre shëndetësore pasi që kanë pasur kontakt të vazhdueshëm me pacientë. Kësaj mund t’i themi se është një kontrollë ose vetdëshirë e mjekve për t’u testuar”, ka thënë Ismajli.

Nërkohë, gjatë ditës kryetari Lutfi Haziri në një konferencë për media ka thënë se 49 raste të shëruara plotësisht, 32 raste janë në vetizolim nën mbykëqyrjen e rregullt të emergjencave civile dhe ekipeve mjekësore.