Aktuale

Aksident në rrugën Prizren- Suharekë, një i lënduar rëndë

Një person ka mbetur i lënduar rëndë, pas një aksidenti trafiku në magjistralen Prizren – Suharekë.

Në këtë aksident kanë qenë të përfshira tri vetura, ku dyshohet se vozitësi i automjetit i cili e ka shkaktuar aksidentin ka qenë nën ndikim të alkoolit.

Rastin ka konfirmuar Policia e Kosovës në rajonin e Prizrenit.

“Ka ndodhur një aksident trafiku me lëndime të rënda në magjistralen Prizren – Suharekë, në hyrje të fshatit Korishë në orën 03:00 të mëngjesit. Në aksident kanë qenë të përfshira tri automjete. Lëndime të rënda ka pësuar vozitësi i cili fillimisht është dërguar për tretman mjekësor në spitalin rajonal të Prizrenit, pastaj me rekomandim të mjekëve është dërguar në QKUK në Prishtinë. Lëndime ka pësuar edhe një bashkudhëtar i cili pas tretmanit mjekësor është liruar për në shtëpi. Dyshohet se vozitësi i automjetit që e ka shkaktuar aksidentin ka qenë në ndikim të alkoolit”, ka treguar Osmanollaj. /Lajmi.net/

the authorGazetaKNN