Sport

Albert Bunjaku në konferencë për media për listën e Kosovës

Në prag të ndeshjes eliminatore për Botërorin “Rusia 2018”, Kosova-Ukraina, e cila do të zhvillohet, të premten, më 6 tetor, në stadiumin “Loro Boriqi” në Shkodër, përzgjedhësi i Kosovës, Albert Bunjaku, të martën në orën 11:00, në selinë e FFK-së do të mbajë konferencë për media, ku do të publikojë edhe listën e futbollistëve për dy ndeshjet e fundit të këtij cikli kualifikues.

Përveç përballjes me Ukrainën, Kosova do të luajë edhe kundër Islandës në Rejkjavik, më 9 tetor.

Këto janë dy ndeshjet e fundit të Kosovës në kuadër të kualifikimeve për Kampionatin Botëror Rusia 2018. /arbresh.info/