Aktuale

Ali Ahmeti: Vota e shpërndarë është votë e djegur

Lideri i Bashkimit Demokratik për Integrim Ali Ahmeti në vazhdë të fushatës zgjedhore zbriti në Komunën e Pllasnicës ku u takua me strukturën e partisë si dhe me banorë të kësaj komune.

Sipas komunikatës së partisë, Ahmeti gjatë këtij takimi përsëriti porosinë tashmë të njohur në mbarë opinionin, se vota nuk duhet nënçmuar e as nuk duhet përçarë.

Ahmeti u takua edhe me banorët e Debreshtës, Cërnilishtit, Llazhanit,vendbanime në Komunën e Dollnenit.

Lideri Ahmeti, para strukturës vendore foli edhe për pesë përbetimet e BDI-së për zgjedhjet e 11 dhjetorit, duke shtuar se opsioni që ofron BDI ka për qëllim mbarëvajtjen e popullit shqiptar dhe se që gjërat të ecin siç duhet, nevoitet angazhim i kuadrove të përsosura, të cilat dihet se i posedon Bashkim Demokratik per Integrim, thuhet në komunkatë.