Aktuale

Anita Haradinaj për vdekjen e djalit të Dacit: Arian bre djalë, shumë na mërzite

Vdekja e Arian Dacit, djalit të akademikut, Nexhat Daci ka prekur shumë familjarët dhe shoqërinë e tij.

Në mesin e tyre, për vdekjen e Dacit është prekur edhe Anita Muçaj- Haradinaj, bashkëshortja e kryeministrit, Ramush Haradinaj

Ajo në një postim në Facebook ka shprehur ngushëllime për familjen Daci dhe shoqërinë.

“Arian Daci bre djale shume na merzite, shume! Ngushellime familjes dhe gjithe shokëve”, ka shkruar ajo në Facebook.

Arian Daci vdiq sot gjatë skijimit në Brezovicë, pasi një ortek ra mbi të dhe një shok të tij, por i cili shpëtoi me disa lëndime trupore.

Kurse, pak kohë me parë Ramush Haradinaj e ka ngushëlluar Nexhat Dacin për vdekjen e djalit të tij, Arianit. Shefi i Qeverisë ka ngushëlluar familjen Daci dhe miqtë e tij.

“I tronditur nga fatkeqësia në Brezovicë, ku humbi jetën Arian Daci, zëvendësministër i diasporës, kurse mbeti i lëndur Ardian Bakalli. Ngushëllimet më të sinqerta mikut tim, Akademik Nexhat Dacit, familjes së ngushtë të Arianit si dhe miqve e kolegëve të tij”, ka shkruar Haradinaj.

the authorBurbuqe Metolli