Aktuale

Asgjësohet materiali zgjedhor i zgjedhjeve parlamentare

Në Qendrën e Numërimit dhe Rezultateve ka filluar sot shkatërrimi i materialit zgjedhor të zgjedhjeve parlamentare që janë mbajtur më 11 qershor.

Kryetarja e KQZ-së Valdete Daka tha se shkatërrimi i materialit zgjedhor është faza e fundit e zgjedhjeve të 11 qershorit.

Daka tha se do të bëhet shkatërrimi i gjithë materialit, përveç disa kutive të disa vendvotimeve të cilat Prokuroria dhe PZAP-i kanë kërkuar qe të mos shkatërrohen pasi duhen për hetim./KosovaPress/