Aktuale

Autobusi godet turmën, 34 persona të vdekur në Haiti

Një autobus raportohet se ka goditur një turmë njerëzish në qytetin haitian të Gonaives, duke vrarë të paktën 34 njerëz dhe duke plagosur 15 të tjerë, sipas njoftimeve të para.

Incidenti ndodhi rreth 150 kilometra në veri të kryeqytetit Port-au-Prince , në orët e para të mëngjesit të së dielës, raporton AFP.

Automjeti fillimisht ka goditur dy këmbësorë para  se të godiste një grup më të madh të njerëzve, sipas policisë lokale.

“Autobusi  së pari ka goditur dy këmbësorë, duke lënë një të vdekur dhe një të plagosur, tha ” Maria Alta Jean Baptiste, udhëheqëse e Policisë Civile.

“Ai më pas ka tentuar të ikë,” shtoi ajo, ‘por u përplas me një grup muzikantësh të cilët po udhëtonin në këmbë’,  shpjegoi  tutje.

Shërbimet emergjente kanë  transferuar të plagosurit në një spital lokal në Gonaives, ndërsa policia është duke marrë në pyetje dëshmitarët, transmeton KosovaPress.