Sport

Be Bruynes i duhen trofe që ta fitojë Topin e Artë – Guardiola

Kevin De Bruynes i duhet që të fitojë shumë trofe, veçanërisht Champions League, për ta fituar Topin e Artë.

Kështu ka thënë menaxheri i Manchester City, Pep Guardiola, shkruan BBC, përcjell Klan Kosova.

Sidoqoftë, kur është pyetur nëse mesfushori po luan në nivelin që e bën atë pretendentë që të zgjidhet më i miri i botës, Guardiola ka thënë: “Nuk kam dyshim”.

“Për të qenë pretendent, duhet ta fitoni [Champions League] dhe të jeni atje në fazat e mëtejme”.

“Por ashtu siç ka luajtur ai kundër Leicester City është vështirë që të gjendet ndonjë më i mirë në Evropë”.

De Bruyne realizoi tre asistime në ndeshjen e së shtunës të cilën The Citizens e fituan 5:1, për të arritur shifrën e 14 asistimeve këtë sezonë – katër më shumë se përcjellësi i parë.

Guradiola ka vazhduar: “Nuk është vetëm një lojë, është gjithë sezoni dhe çdo tre ditë, që ai po luan në këtë mënyrë”.