Aktuale

Haradinaj: Hoti ta kompletojë sa më parë ekipin dhe të caktohet seanca për votimin e qeverisë

Gjykata Kushtetuese ka vendosur që t’i japë të drejtë presidentit Hashim Thaçi rreth dekretit për mandatarin e Qeverisë.

Kryetari i AAK-së, Ramush Haradinaj, ka thënë që e mirëpret këtë vendim, i cili sipas tij, hap rrugë formimit të Qeverisë së re.

Postimi i plotë në Facebook:

Përshëndes aktgjykimin e Gjykatës Kushtetuese, i cili i hap rrugë formimit të Qeverisë së re. Ftoj të gjitha palët që ta respektojnë këtë vendim dhe të veprojnë konform tij. I mandatuari për krijimin e Qeverisë së re, Avdullah Hoti, duhet që sa më parë të kompletojë ekipin dhe Kuvendi pa humbur kohë të caktojë seancën për votimin e Qeverisë.

Në rrethanat e krijuara, çdo ditë e humbur ka kosto për ekonominë dhe mirëqenien e qytetarëve. Kosova nuk ka kohë për të humbur.