Rajon & Botë

Johnson: Të ndalet dhuna ndaj myslimanëve në Birmani

Sekretari i Jashtëm i Britanisë së Madhe, Boris Johnson, bëri thirrje që të ndalet dhuna ndaj myslimanëve të Arakanit në Birmani.

Në deklaratën e Ministrisë së Jashtme Britanike, ku citohet Johnson, thuhet se edhe pse ministrja e Jashtme e Birmanisë, Aung San Suu Kyi konsiderohet ndër emrat më frymëzuese të kohës, zhvillimet në Arakan e dëmtojnë reputacionin e vendit.
Johson tha se Suu Kyi përballet me vështirësi të mëdha në rrugën e modernizimit të vendit.

“Shpresoj që cilësitë e shquara të saj mund t’i përdor për të unifikuar vendin e saj, të përfundojë dhunën dhe të përfundojë të gjitha paragjykimet ndaj myslimanëve dhe komuniteteve tjera që jetojnë në Arakan”, thuhet në deklaratë.