Aktuale

Kosova bëhet edhe me një tunel, tash do të lidhet me Malin e Zi

Kosova së shpejti do ta ketë një tunel të ri e që do të lidh atë me Malin e Zi nga Peja në Rozhajë.
Kjo gjë u bë e ditur nga ministrat e Kosovës dhe Malit të Zi që merren me çështje infrastrukturore

Ishte ministri malazez Osman Nurkovic, i cili së pari përmendi lidhjet e Mali të Zi me Kosovën, e një prej të cilave del të jetë me tunelin Pejë Rozhajë.

“Ne u pajtuam që të ndërtohet një tunel që do të lidh Pejën me Rozhajën. Idenë e kemi të gatshme, tash duhet të merremi vesh”, ka thënë Nurkovic.

Ndërkaq, edhe ministri Pal Lekaj e ka konfirmuar këtë gjë, duke thënë se kanë nisur punët për të kryer studimin e fizibilitetit.

“Po, jemi pajtuar rreth këtij projekti. Po bëhet fizibiliteti me intensitet të lartë. Na ka mbetur të shohim se si do ta realizojmë këtë projekt”, ka thënë Lekaj.

Ndërkohë, ministrat bën të ditur se u pajtuan që Kosova e Mali i Zi të lidhen edhe në rrugën Deçan-Plavë, e po ashtu edhe me anë të autostradës Pejë-Rozhajë.
Ndryshe, kosovarët përdorin Shqipërinë si vend transit për të shkuar në Mal të Zi, pas rrugët aktuale që lidhin direkt këto dy vende, janë të vështira.

the authorE B