Aktuale

Kurti nga Dubrava kërkon hetimin dhe gjykimin e krimeve të luftës

Kryeministri në detyrë, Albin Kurti, ka vizituar burgun e Dubravës në përvjetorin e masakrës në këtë burg dhe ka bërë homazhe te pllaka përkujtimore, raporton Ekonomia Online.

Kurti nga këtu ka kërkuar që të hetohen dhe gjykohen krimet e luftës. Ai foli edhe për zhdukje e veprimtarit Ukshin Hotit, për fatin e të cilit nuk dihet që nga viti 1999, kur edhe u lirua nga burgu i Dubravës më 16 maj.

“Brenda këtyre mureve të sjellë nga burgjet e ndryshme në serbi dhe me datën 22 maj u pushkatuan. Në atë kohë unë kam qenë në burgun e Lipjanit dhe shumë prej këtyre të burgosurve na i patën sjellë aty në burg”.

“Këtu bashkë me mua janë të mbijetuar të kësaj masakre Enver Dugolli dhe Shaban Beka dhe këta e kanë takuar profesor Ukshin Hotin këtu në burgun e Dubravës. Ai me 16 maj u lirua nga burgu dhe për fatin e tij nuk dihet asgjë se çfarë ka ndodhur”.

“Për masakrën e Dubravës nuk është dënuar askush nga kriminelët serb. Fatkeqësisht në Tribunalit e Hagës masakra e Duravës dhe e Reçakut kanë qenë vetëm një pjesë e aktakuzës ndaj Millosheviqit, i cili vdiq ne burg”.

“Serbia i nxori në fushë dhe i pushkatoi këtu 150 shqiptar, por ka edhe të tjera që janë pushkatuar. Në pavijonin dy ka qenë edhe Ukshin Hoti i cili është liruar të dielën e 16 majit dhe është nxjerrë jashtë mureve të këtij burgu dhe sot e kësaj dite nuk dihet për fatin e tij dhe ende mungon drejtësia”.

I mbijetuari i masakrës, Enver Dugolli, aktualisht zëvendësministër në detyrë i Mbrojtjes, tha se edhe 20 vjet pas askush nuk është dënuar për kryerjen e kësaj masakre edhe pse ka pasur shumë të mbijetuar që kanë pasur mundësi ta dëshmojnë atë që ka ndodhur.

“Sot e 20 vite më parë pasi që ky burg ishte shndërrua në park përqendrimi, ishin sjellë të burgosur nga burgjet e Serbisë në Kosovë dhe ishin sjellë të gjithë me të vetmin qëllim ishin grumbulluar që të kryhej një krim i pashembullt një vrasje masive e të burgosurve shqiptarë”.

“Kjo fushë këtu para 20 viteve ishte shndërruar në një fushë gjuetie ndaj shqiptarëve të pafajshëm, por i vetmi dënim ishte që mjaftonte që ishin shqiptar qe na kishin tubuar që të kryenin krim në fund shekullin 20”.

“Në këtë ditë mungon një numër i madh i familjarëve për shkaqe pandemie dhe do të ndërtohet edhe një memorial për atë masakër”.

Shaban Beka, i mbijetuari i masakrës së Dubravës ka kërkuar drejtësi nga institucione edhe për Ukshin Hotin, raporton EO.

“Gjithçka ka ndodhur në mënyrë të organizuar dhe na kanë sjellë në burgun e Dubravës forcat serbe”.

“Kjo është më e rënda. Prej 19 deri me 22 maj ka pasur të tjerë që kanë tentuar mi keqpërdorë të burgosurit sepse nuk ka pasur kontroll. Na kanë larguar nga këtu për në Lipjan”.

the authorGazetaKNN