Aktuale

Kuvendi i Prishtinës mban seancë pa miratimin e Shpend Ahmetit

Mbledhja e konvokuar e Kuvendi Komunal të Prishtinës, do të mbahet të premten, ashtu siç edhe ishte thirrur nga kryesia, pa miratimin e kryetarit të Komunës, Shpend Ahmeti.

Kështu ka thënë të enjten Agim Gashi, shef i Grupit të këshilltarëve të LDK-së, partisë më të madhe opozitare në Komunën e Prishtinës.

“Po, seanca do të mbahet, siç është planifikuar. Besoj se aty do të jetë shumica parlamentare dhe besoj se gjithçka do të shkojë mbarë”, ka thënë Gashi.