Kuriozitete

Mënyra si të jeni i lumtur, edhe pse rrethoheni nga njerëz negativë

Nëse keni qenë afër një personi të palumtur më parë, me shumë mundësi e dini që negativiteti i tyre do t’ju ndikojë shumë shpejt edhe juve. Ata mund të ndryshojnë humorin e vendit ku ndodheni.

Pra, si mund të kombinoheni më këto nuanca negative? A ka ndonjë gjë që duhet të bëni për të ruajtur pozitivitetin tuaj edhe kur humori i njerëzve përreth jush përpiqet t’ju ndikojë?

Ja 11 mënyra për të qëndruar të lumtur edhe kur rreth jush keni njerëz të palumtur.

Mirënjohja është diçka magjike. Ajo i bën situatat më të dashura dhe pozitive në mënyrë automatike. Kështu, ju mund t’u shprehni vlerësim njerëzve vazhdimisht të pakënaqur. Kjo mund t’i ndihmojë ata të largohen nga modelet e tyre negative.

1.Ja disa gjëra për të cilat mund t’i falenderoni ata:

Kur ju ndihmojnë të kaloni diçka
Kur kanë folur me ju edhe pse ka qenë e vështirë
Kur ju ofrojnë perspektiva të reja
Kur dëgjojnë idetë tuaja
Kjo nuk do të thotë se duhet të jeni shtysë për ta, thjesht nënkupton se po mbani qëndrim pozitiv aty ku duhet.
Mos harroni të ruani mirënjohjen tuaj për botën dhe jetën tuaj gjithashtu. Ndonjëherë, të jesh afër njerëzve negativë mund t’ju bëjë të harroni gjërat për të cilat jeni falenderues. Mbani një ditar mirënjohjeje dhe listoni 3 deri në 5 gjëra për të cilat jeni mirënjohës çdo ditë. Kjo mund të jetë shumë e dobishme. Mund të shkruani se jeni falenderues për:

Karrierën tuaj
Miqtë, familjen dhe të dashurit tuaj
Çatinë që keni mbi kokë
Plotësimin e nevojave tuaja
Vakteve që ju kënaqin
Librat, filmat, show-t dhe muzikën e preferuar
Shëndetin tuaj të plotë
2.Mos u fokusoni tek mungesa e lumturisë së tyre

Është e vështirë të mos ndalesh tek mungesa e lumturisë së dikujt kur ajo është në nivele ekstreme. Fundja, ata janë gjithmonë në humor të keq dhe kjo mund të transmetohet tek ju. Humori i tyre i keq mund t’ju shtyjë të fokusoheni shumë në negativitetin e tyre, duke ju bërë të ankoheni për të tjerët. Kështu mungesa e lumturisë mund të jetë nxitëse. Njerëzit e tjerë merren me ndjenjat e tyre, për pasojë ndikoheni nga emocionet e tyre, si përfundim ju bëheni të pakënaqur.

Është një cikël i vazhdueshëm në të cilin nuk fitoni dot, përveçse duke u siguruar se nuk po fokusoheni në negativitetin e tyre. Prandja, mos u jepni atyre fuqinë të ndryshojnë mënyrën tuaj të të menduarit! Nuk ia vlen të harxhoni kohën, përpjekjen dhe energjinë tuaj.

3.Kuptoni se ata kanë vështirësitë e tyre

Është e lehtë të gjykosh njerëzit e palumtur, sidomos nëse keni qenë duke luftuar me negativitetin për një kohë të gjatë. Nuk ju takon juve të kërkoni lumturinë prej tyre. E vërteta është se ju nuk e dini historinë e jetës së atij personi. Nuk e dini se çfarë është duke kaluar ai. Sinqerisht, nuk është puna juaj. Ata mund të jenë duke kaluar një periudhë të vështirë, kanë nevojë për një farë kohe për t’a marrë veten dhe për të kapërcyer ndjesitë që kanë.

Ky person do të reagojë dhe do të jetë i lumtur një ditë kur të ndihet gati, por u takon atyre t’a vendosin se kur është koha e duhur. Në vend që të uroni “sikur të ishin të lumtur”, mbështesni dhe jini të sjellshëm me ta. Ata po kalojnë një periudhë të vështirë.

4.Mos i merrni gjërat si personale

Njerëzit e palumtur zakonisht nuk janë të tillë sepse ju keni thënë apo bërë diçka. Ata janë në një gjendje të mjerueshme sepse e tillë është mendësia e tyre aktuale. Pra, mos e merrni shumë personale. Mbi të gjitha, ju nuk mund t’i kontrolloni mendimet apo ndjenjat e njerëzve.

Por, është e vështirë të mos pyesni veten nëse është faji juaj kur një person i palumtur bën një sërë gjërash negative. Ata mund të:

Thonë diçka që mund t’ju mërzisë
Ju përjashtojnë nga çështjet lidhur me punën
Ju injorojnë ose ju lënë vetëm.
Nuk përqendrohen tek gjërat për të cilat flisni
Anulojnë planet që kishin me ju
A duhet t’a lejoni veten të keqtrajtoheni? Sigurisht që jo.
Por në të njëjtën kohë, ndërsa qëndroni në këmbë për veten mos e lejoni negativitetin e tyre të ngatërrojë ndjenjat dhe mendimet tuaja. Këta njerëz po përballen me frikë dhe pasiguri për shkak se nuk përshtaten dot me mekanizma pozitivë. Nuk bëhet fjalë për ju, por për ata.

5.Menaxhoni kohën që harxhoni me njerëzit e palumtur

Njerëzit janë socialë nga natyra. Është ajo që na bën të ndërveprojmë me njëri-tjetrin dhe të gjejmë ata me të cilët mund të lidhemi në një nivel më të thellë. Dihet se ndërveprimi social na nxit drejt mendimeve pozitive. Por çfarë ndodh kur ndërveprimi është kryesisht negativ?

Problemi i socializimit si një qenie empatike është se ju keni tendencën të pasqyroni natyralisht ata që keni përreth. Ju merrni energjinë e vendit ku jeni dhe e bëni pjesë tuajën, pavarësisht nëse është e mirë apo e keqe.

Prandaj kur shpenzoni kohë me njerëzit e palumtur, ju mund të përfshiheni në vorbullën e mërzitjes, duke rënë pre e rrjetës së tyre. Kështu që keni nevojë të kufizoni sasinë e kohës që harxhoni me njerëzit e palumtur.

Nëse vini re se po filloni të ndikoheni nga gjërat që këta njerëz thonë apo bëjnë, largohuni me respekt. Nuk ka asgjë të keqe të vendosni kufij me njerëzit që po ju ndikojnë negativisht. Në fakt, ju duhet të vendosni kufij me të gjithë.

Merrni mësim prej kësaj situate
Është e vështirë të rrethohesh nga njerëz negativë. Palumturia e tyre mund t’ju lëndojë dhe të jetë sfiduese për ju. Në vend që të mendoni sesa e tmerrshme është situata, thuajini vetes se kjo është diçka prej së cilës mund të mësoni dhe të rriteni. Ky ndryshim i thjeshtë i perceptimit duket i vogël, por është shumë i fuqishëm. Në vend që të ankoheni për gjërat, shikojini ato si një mundësi për të përmirësuar veten. Pastaj, herën tjetër kur të gjendeni në një situatë të ngjashme, do të jeni në gjendje t’a kapërceni atë pa u munduar shumë.

Pavarësisht sesa e vështirë mund të jetë për ju, ndjesia juaj nuk i përafrohet dhimbjes që kanë njerëzit e palumtur. Ajo çka ata po jetojnë i bën të jenë të trishtuar gjatë gjithë kohës. Numëroni bekimet tuaja, mendoni pozitivisht dhe punoni për t’u bërë njeri më i mirë!

Jini të lumtur, ndryshoni mënyrën sesi i shikoni të tjerët
Edhe njerëzit më të palumtur kanë disa cilësi pozitive. Në vend që të fokusoheni tek negativiteti i tyre, kërkoni për gjërat e tyre të mira. Disa prej tyre mund të jenë:

Pamja e jashtme
Etika në punë
Besimet ose vlerat personale
Stili
Disa tipare që mund të kenë, si p.sh dëgjues i mirë
Talente ose aftësi
Ndryshimi i perceptimit që keni për dikë është një mënyrë e fuqishme për të ndryshuar këndvështrimin tuaj në tërësi. Në vend që të fokusoheni tek gjërat që urreni, përqendrohuni tek gjërat që do t’ju pëlqenin të mësonit. Shumë shpejt, ju mund të mos mendoni më se këta njerëz janë negativë.

8.Jepini vetes kohë për të qëndruar larg njerëzve të palumtur

Ne kemi folur për mosangazhimin e vazhdueshëm me njerëzit e palumtur. Tani, ju duhet të mësoni kur duhet të tërhiqeni ose të largoheni më seriozisht. Kjo është veçanërisht e rëndësishme kur jetoni ose punoni me njerëz të palumtur. Kur ju duhet të tërhiqeni nga këta njerëz, thjesht bëjeni. Mos e neglizhoni kohën që keni nevojë të kaloni me veten tuaj. Ja disa gjëra që mund të bëni:

Ushtrohuni
Shkruani në ditar
Meditoni
Praktikoni një hobi
Gatuani një vakt të shijshëm
Bëni diçka që ju pëlqen, shkoni për shopping osë bëni diçka të re
Përdorni humorin dhe harenë
Ndonjëherë pak humor mund të ndikojë pozitivisht në situatat e pakëndshme me njerëzit e palumtur. Ja disa mënyra sesi mund t’a arrini këtë:

Bëni shaka

Nëse jeni i mirë për të bërë shaka, tregojni aftësitë tuaja kur gjërat bëhen të meërzitshme. Ju mund të bëni shaka për veten, situatën apo gjithçka tjetër. Thjesht tregohuni pozitivë!

Ndryshoni tonin e zërit

Diskutimi po bëhet shumë serioz edhe pse nuk po flisni për gjëra shumë të rëndësishme? Ndryshoni tonin e zërit dhe flisni me nota pozitive

Flisni rreth gjërave të bukura

Ku ju jepet mundësia të bëni një bisedë me njerëzit e palumtur, flisni rreth diçkaje pozitive që ju bën të lumtur. Kjo nuk e lejon bisedën të marrë nota negative.

Fokusohuni tek vetja
Ja disa gjëra për lumturinë individuale:

Kushtojuni vëmendje emocioneve, mendimeve dhe ndjenjave tuaja
Vedoseni veten tuaj të parën përballë njerëzve të palumtur
Mos harxhoni energjinë tuaj duke u përpjekur të ndryshoni ndjenjat e dikujt
Fokusohuni tek gjërat të cilat keni interes
Tregohuni i sjellshëm
Një veprim i vogël mund të ndikojë pozitivisht ditën e një njeriu të palumtur. Mendoni për këtë, a ka bërë dikush një gjest që ju ka ndriçuar të gjithë ditën?

Ja sesi mund të tregoheni i sjellshëm me njerëzit e palumtur:

Buzëqeshuni atyre
Përshëndetini ngrohtë
Mbajeni derën hapur për ta
Ndihmojini me gjërat që janë duke mbajtur
Bëjuni nder
Blijuni kafe ose diçka të ngjashme
Komplimentojini në mënyrë të ndershme
Ndjesitë tona pozitive shpesh janë ngjitëse. Nuk funksionon gjithmonë, por kur funksionon është magjike. Por edhe kur nuk shkon siç duhet, ju do ndjeheni mirë sepse po përpiqeni të bëni diçka pozitive.

Gjërat e fundit për t’u përshtatur me njerëzit e palumtur gjatë gjithë kohës.

Ju mund të mos e dini pse ata janë të mërzitur, por ju mund të bëni gjërat që ju takojnë për të qenë të lumtur pavarësisht negativitetit të tyre. Kur ju e dini sesi të mbizotëroni me pozitivitetin tuaj, asgjë nuk mund t’ju pengojë. Jini të lumtur!