Aktuale

MPJ: Deri më tani nga shpërthimi në Stamboll s’është prekur asnjë qytetar i Kosovës

Ministria e Punëve të Jashtme të Kosovës, e ka marrë me shqetësim lajmin për shpërthimin tragjik në Aeroportin Ndërkombëtar të Stambollit, ku si pasojë kanë mbetur dhjetëra qytetarë të vdekur dhe të plagosur.

“MPJ shpreh solidaritetin me Turqinë dhe popullin turk në këto momente të vështira dhe se do të qëndroj përkrah institucioneve për çfarëdo nevoje.

Që nga momenti i shpërthimit, MPJ ka qenë në komunikim të vazhdueshëm me Ambasadën e Kosovës në Ankara dhe Konsullatën në Stamboll për t’u informuar në detaje nëse ka të përfshirë shtetas të Kosovës”, thuhet në njoftimin për media.

Deri në këto momente, asnjë qytetar i Kosovës nuk është prekur nga sulmet por organet e sigurisë ende po vazhdojnë të angazhohen për të siguruar zonën ku ka ndodhur shpërthimi dhe për ti identifikuar viktimat.

Për të gjithë shtetasit e Kosovës që ndodhen në Turqi, apo familjarët e tyre, MPJ ka vënë në dispozicion një numër telefoni të Konsullit të Përgjithshëm në Stamboll, për të adresuar çfarëdo pyetje dhe nevoje.

Numri i telefonit është: +905309548870.

MPJ dhe shërbimi i saj diplomatik janë në shërbim të të gjithë qytetarëve të Kosovës.