Aktuale

Në mungesë të kuorumit, dështon votimi i projektligjit për vlerat e luftës

Në mungesë të kuorumit ka dështuar të votohet edhe sot në Kuvend të Kosovës, Projektligji për UÇK-në, raporton Gazeta Express.

Vetëm 33 deputetë të kuvendit kanë qenë për, asnjë nuk ka votuar dhe nuk ka pasur abstenim.

“33 vota për, asnjë kundër, asnjë abstenim”, ka thënë kryeparlamentarja Vjosa Osmani.

Ky projektligj, i propozuar nga Partia Demokratike e Kosovës, që është në opozitë, ka nxitur reagime të shumta për shkak se po vlerësohet se mund të cenojë lirinë e shprehjes si dhe krijon mundësi për të frikësuar dëshmitarë potencialë të proceseve gjyqësore ku përfshihen ish-pjesëtarë të UÇK-së.

the authorGazetaKNN