Aktuale

Nesër aplikimet për mbjelljen e drunjve në Parkun e të Martuarve

Komuna e Prishtinës njofton qytetarët se që nga nesër do të pranohen aplikimet për mbjellje të drurit nga çiftet e sapomartuara në parkun e dedikuar për ta.

“Hapja e parkut do të bëhet më 7 gusht, dhe të drejtë aplikimi për mbjelljen e drurit kanë të gjitha çiftet që paraqiten në komunë për t’u kurorëzuar”, thuhet në njoftim.

Tarifat për ceremoninë e kurorëzimit, janë:

– 15 euro, nëse kurorëzimi bëhet brenda objektit të Komunës

– 50 euro, nëse kurorëzimi bëhet në lokacion tjetër

– 40 euro, nëse duan ta mbjellin drurin në parkun e të martuarve

Kërkesat dorëzohen në sportelet e Komunës së Prishtinës, gjegjësisht më Zyrën e Gjendjes Civile.