Aktuale

Pacolli: Strehimoret do t’i bëjmë hapësira të artit urban

Kandidati për kryetar të Komunës së Prishtinës nga AKR, Selim Pacolli, i bëri një vizitë strehimores në lagjen “Ulpiana” të Prishtinës, e cila shërben në rast rreziku që mund t’i kanoset qytetit.

Strehimoret e tilla, sipas Pacollit, duhet të shndërrohen në hapësira të artit urban, e jo të mbesin vetëm si objekte strehimi.

Në planin e tij Pacolli parasheh që këto strehimore të bëhen më atraktive, më të bukura ku qytetarët do të mundë t’i vizitonin hapësirat e saj, e cila praktikë aplikohet edhe në shumë vende të civilizuara të botës.

Në këtë mënyrë, sipas Pacollit, strehimoret në kryeqytet do të bëheshin qendër e artit urban.