Aktuale

Për një muaj e 12 ditë konfiskohen 21 armë

Njësitet policore në nivelin e stacionit policor në Pejë, duke përfshirë edhe dy nënstacione policore gjatë periudhës kohore nga data 1 janar e deri më 1 shkurt nga ana e zyrtarëve policor gjatë aktiviteteve policore , janë konfiskuar armë dhe municione të ndryshme të mbajtura nga të dyshuarit në mënyrë të kundërligjshme.

Armët dhe municionet e konfiskuara janë : 21 armë dhe 140 fishekë të llojeve e kalibrave të ndryshëm. Nga këto janë 11 armë të gjata dhe 10 pistoleta.

Në koordinim me njësitin e karabinierëve në kuadër të KFOR-it, të cilët kanë hasur në persona të dyshuar dhe lidhur me ketë menjëherë kanë njoftuar Policinë  me ç’rast është vepruar menjëherë dhe vetëm më datë 11 dhe 12 shkurt  gjatë një operacioni të nevojshëm policor të cilin e kanë ndërmarrë njësitet policore të SP Pejë të koordinuar me prokurorin e shtetit, janë realizuar bastisjet në tetë lokacione, me ç’rast janë konfiskuar shtatë armë të gjata, prej tyre 2 pistoleta dhe 41 fishekë të llojeve të ndryshme.

Ndaj të dyshuarve  pas përfundimit të hetimeve nga Njësiti i hetimeve  janë iniciuar raste ‘mbajtja në pronësi, kontrollë, ose posedim të paautorizuar të armëve’ ,  konform Kodit Penal të Republikës së Kosovës./KosovaPress/