Aktuale

Përleshje mes simpatizantëve të Listës serbe në Leposaviq

Përplasje dhe konfrontime fizike mes simpatizantëve të Listës serbe ka ndodhur mbrëmë rreth orës 18:00 në fshatin Vraqevo të komunës së Leposaviqit, bëjnë të ditur burime të KosovaPress-it.

Sipas këtyre burimeve, ngjarja ka ndodhur gjatë hapjes së fushatës elektorale të kësaj partie në këtë fshat, ndërsa nuk dihet motivi i incidentit.

Ndryshe, ky fshat është shquar për qetësi gjatë fushatës elektorale në të kaluarën. /kp