Aktuale

Qeveria hesht për ndërprerjen e punimeve në Mitrovicë

Qeveria e Kosovës ka zgjedhur t’i përgjigjet me heshtje vendimit të kryetarit të Komunës së Mitrovicës së Veriut, Goran Rakiq për ndërprerjen e punimeve në urën e Ibrit dhe sheshin “Mbreti Petar” në veri të Mitrovicës.

Pretekst për ndërprerjen e punimeve në katër vjetorin e arritjes së “Marrëveshjes për normalizim të marrëdhënieve” mes Kosovës dhe Serbisë u përdorën disa incidente të ndodhura në Mitrovicë, shkruan sot Koha Ditore.

I fundit ishte të mërkurën, kur persona të panjohur sulmuan një serb me ç’rast viktima pësoi lëndime të lehta trupore.
Ministrja për Dialog, Edita Tahiri ka kërkuar që për ndaljen e punimeve t’i drejtohemi Ministrisë së Ambientit dhe Planifikimit Hapësinor, si palë nënshkruese për realizimin e projektit me Komunën e Mitrovicës së Veriut.Por Ministria e Ambientit, sikurse edhe Zyra e kryeministrit nuk kanë janë përgjigjur në pyetjet e gazetës.