Rajon & Botë

Referendumi për riforcimin e pushtetit të Edroganit më 16 prill

Kryetari i Komisionit të Lartë Zgjedhor të Turqisë, Sadi Guven, zyrtarisht konfirmoi se referendumi mbi ndryshimet kushtetuese në Turqi do të mbahet më 16 prill të këtij viti.

Presidenti turk, Recep Tayyip Erdogan kërkoi një rishikim kushtetues që parashikon riforcimin e pushteteve të tij.

Reforma kushtetuese, votuar muajin e kaluar nga Parlamenti turk, parashikon zëvendësimin e sistemit parlamentar në fuqi me sistem presidencial.

Kjo reformë do t’i mundësojë presidentit të emërojë dhe shkarkojë ministrat, të miratojë dekrete dhe të shpallë gjendjen e jashtëzakonshme.

Posti i kryeministrit do të hiqet dhe do të zëvendësohet nga një ose disa zëvendëspresidentë.